ตำรับรักนักบริหาร#38 | วิชาการ.คอม


ตำรับรักนักบริหาร#38

ความเอื้ออาทร ความรักความเอาใจใส่สม่ำเสมอของนักบริหาร จะเพิ่มคุณค่าผลผลิตในองค์กรให้เห็นเป็นรูปธรรม

ผู้เขียน คนนาพิน ชมแล้ว
ครั้ง โพสครั้งแรก แก้ไขล่าสุด
สารบัญ

                       
หน้าที่ 1 ตำรับรักนักบริหาร
หน้าที่ 2 ฮักอีหยังน้อลืมบ่ลง#1
หน้าที่ 3 เติมฮักให้เต็มอก #1
หน้าที่ 4 ฮักติดลบ
หน้าที่ 5 แฮงฮักแฮงคิดฮอด
หน้าที่ 6 ฮักสะท้านงานสะเทือน
หน้าที่ 7 จ่มฮัก
หน้าที่ 8 วันแฮกวัยฮัก
หน้าที่ 9 ฮักนี้มีแต่คุณ
หน้าที่ 10 เสน่ห์ฮักพิษคิดฮอด
หน้าที่ 11 ฮักหนึ่งคือรักเดียว
หน้าที่ 12 ฮักคนออนซอน
หน้าที่ 13 นิราศฮักนักพัฒนา
หน้าที่ 14 งานสุดฮัก ที่รักเธอ
หน้าที่ 15 แบบฮักใหม่มอบให้เธอ
หน้าที่ 16 ได้ฮักบ่อยากคืน
หน้าที่ 17 ธรรมเหตุรักฮักผลกรรม
หน้าที่ 18 ฮักกึ่งใจ
หน้าที่ 19 "ฮักนางบ่จางใจ#1"
หน้าที่ 20 "ลงเสาฮักปักหลักใจ#1"
หน้าที่ 21 "อ้อนฮัก#1"
หน้าที่ 22 ฮักน้องอ้ายต้องรอ
หน้าที่ 23 "ฮักอ้ายหน่ายบ่เป็น"
หน้าที่ 24 "ฮักบริการหารรัก#1"

ฮักน้องอ้ายต้องรอ

 กลอนกะเทาะใจ(สำนวนด้นอีสาน)

        “คนนาพิน”   komkonloas@gmail.com

                                        “ตำรับรักนักบริหาร”

ฮักน้องอ้ายต้องรอ

ฮักน้องมานานเนิ่นเพลินหัวใจยามฮักแก่น เป็นแฟนกันหมั่นเกี้ยวเที่ยวได้แวะยาม แวะกินข้าวเทียวดื่มน้ำยามว่างนั่งสบตามีเวลาคุยกันหมั่นเทียวเหลียวจ้อง ฮักสองเฮาบ่มืมื้อคลายสัมพันธ์ปันเป็นอื่น ฮักหมั่นยืนอยู่สู่มื้อมือถือสร้างซ่อยสวรรค์ โทรหากันทุกวันเช้าเถิ่งยามแลงแจ้งบอกข่าว หัวใจเบาไกวแกว่งกลุ้มคอยแก้แล้วแนะกัน ฉันฮักเธอเหนียวมั่นบ่มีวันจางจากวันสิพรากจากเจ้าอย่าหวังเว้าแหม่นบ่มี ฮักมาฮอดมื้อนี่ อ้ายเห็นบ่อนสิคุยกันปัญหามีคาใจซ่อยหาวิธีแก้ แนวใดใดเห็นฮู้ปรับหัวใจใส่ทางถูกผูกแล้วแก้เปลี่ยนได้แนวใด๋เจ้าบ่ถืกตา น้องเทคแคร์ต่ออ้ายอ้ายกะชอบขอบคุณหลาย แต่หากนางปรับแนวฮักเฮาแห่งสุขยิ่ง ความเป็นจริงของน้องสองสามแนวพี่อยากกล่าว น้องลองเว้าตอบพี่สิดีแท้แก่ฮักเฮา อ้ายขอบอกน้องเจ้าสิ่งหนึ่งอย่าหึงหวง ยามอ้ายควงสาวสวย หย่างเดินเพลินในห้าง นางอย่าทำหึงฮ้ายเพราะหัวใจอ้ายสิหล่นอ้ายสิทนบ่ได้เพราะหึงฮ้ายโหดบ่ดี อ้ายขอน้องข้อนี้เพราะความฮักเฮาสองน้องลองตรองดูดีเทื่อนางสิทนได้ สองต่อไปอ้ายขอน้องอย่าจองหองยามอ้ายบ่น อ้ายเป็นคนเว้าเรื่อยเรื่อยยามเห็นน้องบ่ถืกตา เพราะสองเฮาต่างเกิดกล้าเก่งมาจากคนละทิศแนวคิดเฮาบ่คือกันสร้างสวรรค์คนค่าย ความพอใจของพี่กับคนดีคนละอย่างเฮาสร้างโลกฮักไว้หัวใจอ้ายต่างเธอ นางอย่าเผลอความเว้าเอารำคาญมาแบ่งฮักแพงกันมากกะด้ออ้ายขอร้องน้องอย่ากวน ยามชวนไปเดินเล่นอย่าเห็นไผมาหลื่น หาคนเกินอ้ายบ่ได้ใจอ้ายสิเกิดหมึน บ่มีไผหลื่นอ้ายเรื่องโกรธคือไฟฟืนยามกลางคืนนอนกรนบ่นวันฝันฮ้ายทนได้บ๊อแนวนี่แนวบ่ดีน้องทนพี่ฮักน้องหลายมื้อนี้แต่วันหน้าบ่แน่นอน ออนซอนนางมาเฮียงข้างรำคาญใจอารมณ์บูดห้ามน้องพูดบ่นซ้ำโมโหฮ้ายต้องบ่อมี คันน้องทนข้อนี้เห็นพี่เป็นเทวาอ้ายสิหาเงินทองมาแต่งดองสักสองล้าน เฮาฮักกันนานเนิ่นเกินเวลาถืกตาพ่อ ให้ไปขอพี่บ่ย้านคันนางน้องสิเฮ็ดนำ ข้อสุดท้ายอ้ายสิย้ำห้ามป้อยด่าเวลาเมาเอาใจกันหลายหลายหากฮักแฮงแสดงหน้า ตาของนางอย่าขึงอ้ายเวลาเมาต้องเว้าหม่วนชวนอ้ายฮักอยู่สู่มื้อนางหล้าอย่าบ่นหลาย ตีนมือบ่ให้ใช่ยามโกรธโกรธาเวลานางหมึนหัวใจนั่งเฉยเหยฮ้าย อย่าระบายกับพี่ยามคนดีโกรธผู้อื่นวันคืนบ่ให้ท่ายามอ้ายห่างเฮือน ยามพี่คุยเผิ่นเพื่อนอย่าได้เหงี่ยงหูฟังเรื่องอีหยังคือกันอย่าได้หันหูฮู้ นางตรองดูสามข้ออ้ายขอนางลองเบิ่งฮู้แต่เหิงแล้วน้องแก้วแนวสามข้อน้องบ่ยอม  แหม่นบ่อละนาง

 

หมายเหตุ งานเขียนชิ้นนี้ ได้รับการคุ้มครองสิทธิตามพระราชบัญญัติคุ้มครองสิทธิทางปัญญา โดยลิขสิทธิเป็นของผู้เขียน ที่ให้เกียรตินำเผยแพร่ผ่าน วิชาการ.คอม เรามีความยินดีและอนุญาตให้ทำซ้ำหรือเผยแพร่ต่อเพื่อประโยชน์ทางการศึกษาเท่านั้น กรุณาให้เกียรติผู้เขียน โดยอ้างชื่อผู้เขียนและ วิชาการ.คอม (www.vcharkarn.com) ทุกครั้งที่ทำการเผยแพร่ต่อ ห้ามนำส่วนหนึ่งส่วนใดไปเผยแพร่ต่อในสื่อที่เอื้อประโยชน์ทางธุรกิจก่อนได้รับอนุญาต ขอขอบคุณที่ร่วมกันช่วยสร้างให้สังคมไทยเป็นสังคมแห่งปัญญา