กลอนอีสาน -คิด....จุดเริ่มสร้างสรรค์

ESEARN POEM

คิดวิเคราะห์..........จุดกำเนิดโมเดล

(Thinking analysis ...The Model original setting)

คิดขึ้นมายามใจกลุ้มสุมหัวใจแนวอุกอั่งนั่งซึมซึมลืมบ่ได้โมเดลฮ้างส่างสิเป็น บ่แม่นแนวเฮ็ดเหล่นยามเวียกมาสุมหัวงานวิชาการคิดขึ้นสู่หัวยามเรียนรู้ ความคิดครูอาจารย์ให้เวลาดีคิดถี่ถี่ คิดวิเคราะห์ คิดแยกแยะ คิดละเล็กละน้อยเอามาห้อยใส่พวง สิ่งดีดีที่เกี่ยวข้องเอามาใส่ลงโมเดล สิ่งใดเห็นบ่ดีงามเขี่ยหนีลงทางข้าง โมเดลงามยามจบแต้มแนมดูแล้วปั้นแต่ง คิดเล็กเล็กคิดน้อยน้อยเอียงคล่อยให้รอบตัว แบบสิแต่งอย่าได้มั่วเลือกเบิ่งเป็นแนวเดียว เว้าเอาแนวหัวใจบ่อนเฮาสิขายได้ จุดสิขาย

จุดสิใช่ จุดสิเอาอยู่ไสหน่อ ต้นกำเนิดแนวคิดพ้อปฐมนั่นเกิดอยู่ใส กลั่นออกมาให้ได้แนวหนึ่งยูนิตเดียว เคี่ยวให้จบสวยงามแต่งเอาขานชื่อ ถือเอาแนวสุดท้ายสิขายใจหม่องใด๋หน่อ เว้าคำเดียวท่อนั่นโมเดลพื้นบ่อนสิเอา คิดรวบยอดคือหม่องเว้าหัวใจเกิดโมเดล เห็นเป็นจุดตำตาเกิดเป็นโมเดลน้อย กิจกรรมแนวอ้างสิโชว์ทางเลิศและเก่งเค้นเคียงแบบแอบไว้ยามสิใช่เฮ็ดโชว์ จุดประสงค์ตั้งให้โก้ เป้าหมายหนึ่งวางลงไป ระบบทางงานเดินแต่งเอาให้งามโก้โมเดลดีโมเดลเยี่ยมต้องมีองค์ประกอบเด่น คิด เพ่ง เฮ็ดเวียกเยี่ยม โมเดลเนื้อตื่มเต็ม คอนเสปส์ รวบให้เข้ม เขียนให้ชัดมีแนวทำ วิสัยงามยามดูทัศนาเห็นโก้ เขียนเป็นแผนผังไว้อธิบายลองทำเบิ่ง คิด เขียน ทำ อยู่เรื่อยเรื่อยตบแต้มแต่งเอา โมเดลเกิดย้อนมีเค้าแบบอย่างเอามาเล็ง เส็งกับคนทำมาเป็นแบบงามให้ดู๋ย่อง ลองขนานกับที่เขาทำเป็นเทียบแบบอย่าง หาคนเก่งมาส่อยย่องโมเดลนั่น เกิดแน่นอน...เจ้าเอ๋ย