ปัญหาแหม่นอีหยังน้อ?

กลอนด้นอีสาน...ปัญหาแหม่นอีหยังน้อ?

การแก้ปัญหา 2

ระดมความคิด

พินิจดูนางน้องสองตาส่างมาหล่าสายตาสวยดูเศร้าสร้อยหือนางน้อยคึดหยัง น้องคึดซังโตอ้ายสายตามายเมินบ่ซื่นหรือน้องหลื่นคำแม่เจ้ายามพลั้งปากบ่เป็น เห็นแล้วอ้ายอุกเด่หัวใจเขวอยากถามข่าวนางลองเว้าบอกอ้ายเทื่อใจเจ้ากระจ่างหงอย ปัญหาเกิดเรื่องจิ๊บจ้อยหาคนส่อยคำปรึกษาปัญหาใจคนงามถืกแบ่งเบาย้อนเฮาอ้า เจรจากับอ้ายลองไขความพวมอ้ายส่อยสิคอยฟังน้องแก้วแนวใจเจ้าพบเจอ อย่าเฮ็ดหน้าชะเง้อเผลอตาต่ำยามสบตาหัวใจพาเหงาหงอยอ้ายหล่อยลงขาเปลี้ยเหลือใจหลายสายตาน้องไปหลงมองตาคนอื่นอ้ายคิดหลายไห้สะอื้นยืนเซซ่ำส่ำย่างเซยามอกเพพังสิ้นถวิลหายาปัวปิ่นอ้ายยินดีส่อยแก้ปัญหาข้องอ้ายส่องเห็น ใจอย่าปิดคิดเค้นเร้นอยู่เดียวดายคลายหัวใจสองเฮาส่องดูยามล้าปรึกษาใจคนข้างยามนางเหงาเศร้าซ้ำตื่มอย่าลืมคุยคุ้ยแคะเค้าใจเจ้าเปิดเผยหาคนเคยเฮียนฮู้ปัญหาเฮายามเอ้าอั่งอย่าได้นั่งโศรกสะอื้นฝืนใจเจ้าบอกเพิ่นชู ระดมความคิดรู้สองคนส่อยปรึกษาใจสามคนไคไขจาบอกมายามแก้แลปัญหาจาจริงแจ้งจดใจได้จดจ่อจำจิตเจตน์แจ้งจั่งจ้อจิดเจ้าจั่งจอดแจง แยงหาคนใจตรงข้างคนอยู่หลังฟังเขาจ่มอย่าจมนำอดีตเจ้ามองหน้าฝ่าฟัน อย่าหุนหันใจน้อยหัวใจพลอยดิ้นแด่วบอกคนแอ่วอ่อยเว้านางเจ้ากระจ่างใจ แก้ปัญหาหมู่ส่อยได้อย่าคิดใหญ่จอดคนเดียวเจ้าอย่าเหลียวดูดายฝ่ายซ่อยนางมีแน่ ขออย่าแวไหววุ่นหัวใจคุณอย่าปิดห่วงเปิดดวงใจไขปากอ้าเวลาน้อยส่อยกัน ระดมใจสอดตลอดขั้นสองสามสี่มาคุยดูดู๋สอดแนมแซมคิดนิดเดียวดีได้ดนนานไปปัญหากลุ้มยามไฟสุมรุมควันใส่ทำหัวใจเศร้าซ้ำความงามเจ้าเหล่าถอยลางเทื่อเรื่องเล็กน้อยเกิดแผลป่งคราวหลงผิดคิดคนเดียวหัวหายเปิดหน่ายโตโสเจ้งเล็งหาคนเคียงคู่ดูตากันปัญหาห่างสามคนสางส่อยแก้แลจ้องส่องเห็นเรื่องปรึกษาโปรดอย่าเว้นเข็ญทุกข์แนวอุกใจไขวาจายามเหงาส่อยหาพาอ้อมซอมดูตาของอ้ายคอยใจนางเปิดตลอดฮอดมื้อใจเจ้าว่างยามหวางได้ฮัก แพงแยงหัวใจเห็นฮู้ฮูฮอยฮ้อยกันใส่เอาหัวใจแลกซื้อถือห้อยได้ส่อยกัน ปัญหาเกิดได้ส่อยกั้นปันแบ่งความทุกข์เสริมความสุขคลายเหงาเหล่าดีหนีเศร้าความเหงาคลายใจสุขล้นสองสามคนสี่ห้าส่อยคอยดูแลยามโศกเศร้าหัวใจเจ้าจั่งฮักกันสวรรค์สุขร้อยชั้นย้อนใจเปิดปรึกษาฮักหัวใจสองเฮาจั่งสิยืนยาวแท้ แลสองตาของอ้ายเห็นฮอยใจอ้ายฮักห่วงหวงหัวใจเจ้าแท้แลดูอ้ายอ่วยใจ แหน่เด้อน้องเอ๊ย

 สนใจรายละเอียดที่เกี่ยวข้องเปิดดูที่อยู่ข้างล่างนี้ครับ

Interest in the others information click link below

http://napinmodelseries10versions.blogspot.com/  napinmodelseries 10 versions#1

; http://putheartonpalm.blogspot.com/  เทใจใส่ฝ่ามือ #1

; http://nstbstrategy.blogspot.com/2009/10/kradong-model-synthesized-procedure1.html