ปัญหาแหม่นอีหยังน้อ?

                               ” ปัญหาแหม่นหยังน้อ?(สำนวนด้นอีสาน)         “sungkawat”   komkonloas@gmail.com
                                         “การแก้ปัญหา....ทบทวนใจ” “เหง้าปัญหา...พาทุกข์” ได้ยินเสียงลมอู้หัวใจฟูฟัดเฟือดเดือดปุ๊ดปั๊ดเป็นจั่งซี้คือหมึนแท้เกิดหยังความเคียดเครียดร้อยครั้งมื้อหนึ่งบ่ทันใจอารมณ์หุนหันจังนั่งเดินบ่ทันที่ดูบ่ดีใดแท้บ่ถืกใจทีเทื่อเหลือความทุกข์คลั่งแค้นใจอ้ายอั่งเอือมสิ่งเกิดแก่เร่เรี่ยมต้นเหตุทุกข์เป็นปัญหาอนิจจาบ่ทันหยุดเที่ยงบ่ทันพอฮ้องฮากเหง้ากองปัญหานั่นคำบ่จริงเป็นทุกข์เอกเฉกเช่นคำกล่าวเว้าเค็มแท้ถืกขมต้นกำเนิดบ่ได้ล้มเหง้าแห่งเหตุปัญหาใจอารมณ์เป็นกระแสธรรมสร้างบ่พอเป็นกลุ้มสมเติมเดิมเต็มเค้าเอามาถมทับต่อยอดเกิดก่อเริ่มเรื่อยกลายต้นเติบโตเอิ้นได้หว่าบ่โก้โสเหตุปัญหาหาญวิชาการเฮียนมาแก้บ่ทันพอฮ้องตรองดีดูเห็นแล้วหัวใจเฮาฮ้อนเห่งพิจารณ์ดูคักถ้วนจั่งเห็นท่างหว่างท่าลงกดอดทนอย่าโค้งอดออดเอาใจกลั้นลมไหวอดเอาจั่งได้ดีเมือหน้าหาเวลาตรองต้อนสอนหัวใจเอาดีข่มมองโลกกว้างผ่านแล้วสมองเจ้าอ่านไกลสร้างตำนานให้ได้วางเหตุเห็นทุกข์กองหัวใจอารมณ์ไหวหวั่นเพียงลมต้องปัญญากรองตรองแก้แลปัญหาเป็นทางผ่านกลั้นเอาเหตุทุบแท้ถมถิ่มบ่เอาวางปัญหาอย่าเว้ายามเคียดใจขมยามใจฉมฉิวฉานห่างหนีอย่าเอาอ้างยามใจจางดีแล้วเย็นนำกันจั่งเอาอีกแยกแยะเป็นข้อขั้นจั่งเห็นหม่องแซะใจฮู้ปัญหาให้ได้แนวพาทุกข์เต็มสมองลองวิจารณ์วิจัยดูเหตุทุกข์คือใดแท้แลดูแนวทางพ้อเหง้าปัญหาเป็นสาเหตุความบ่พอเฮ็ดฮ้อนสมดุลย์แล้วจั่งลดใจปัญหาเกิดเพราะอยากได้บ่เขินขาดแต่ใจเอาความบ่มีพอเพียงเสี่ยงบ่พอดีพร้อมซอมหัวใจดูไว้รักษาใจสมดุลย์บอกเอากองทุกข์ออกแล้วสบายบ้างเทื่อแหล่นหันเกิดความทุกข์มากชั้นกิเลสเกิดตัณหาหลายเหง้าปัญหาคือทุกข์อยากบ่เซาใจม้างเลยหาทางกลแกล้งแสดงดูได้ใจจอดเอาหัวใจฮอดหม่องลองหาพ้อทบทวนครบทางทำฟ้าวซ้วนทบทวนอีกกระแสใจวางปัญหาลงหนีพิศดูจั่งมาแก้แลดีเห็นทางซ้อนสอนใจตนปัญญาเกิดดีเลิศหลายทุกข์แท้หนีหน้าบ่มาจดจำไว้มื้อหน้าหากเกิดทุกข์ลองทวนจับเหง้ามาตรองดูฮากเดิมใดแท้แลเห็นทันทนได้ปัญหาใจเกิดจากเหตุดูบ่ดีอย่าฟ้าวฮ้องหาทางพ้อค่อยไขอีกบ่นานเจ้าได้เกิดจิตเกรดปิติใจอิ่มเอออวยเต็มสมองห่างปัญหาหายแท้แลดูเห็นทางแก้มรรคาแปดอย่างทางสายกลางหม่องเริ่มทางแก้ทุกข์หายกระทำดีซ้อนท้ายกุศลใหญ่คือทานอภัยกันยามโหยโหดเลวดีด้วยสิ่งสวยงามยอย่องเห็นหนทางแก้ก่อรอสายกลางเปิดแล้วหัวใจเจ้าจั่งเบ่งบาน หมู่เอย