ปัญหาแหม่นอีหยังน้อ?

กลอนด้นอีสาน...ปัญหาแหม่นอีหยังน้อ?

สาหตุ...ที่มาของปัญหา

เหตุแห่งหนเกิดได้เพราะความอยากมาจุดไฟ อยากอีหยังยากหัวใจอยากหากหลายมาอุกเอ้า คนเฮามีตัณหาก้อมซอมดูใจเจ้าเอ้าอั่งสังมายากแท้เด้มโนเจ้าปวดใจ สาเหตุหลักคือมักได้ความยากง่ายบ่   หัวซา ปัญหาสุมหัวใจยากหลายใจฮนฮ้อนตัดเป็นตอนสอนใจฮู้วิเคราะห์ดูปัญหาใหญ่แหม่นหยังน้อแล่นต้องใจอ้ายจั่งห่วนฮน พิเคราะห์หาแล้วค่อยค้นหาสาเหตุแห่งทางเดิน งาน เงินคน หรือแนวใด๋จั่งหากเป็นแนวนี้ มีปัญหาอีหยังน้อหาบ่เจอเผลอเหตุใหม่ เกิดปัญหาใหญ่น้อยความเว้าบ่ถืกใจ พยายามแยกออกไว้แยกแยะเบิ่งเทิงหรือบนความหนหวยยามคิดพินิจดูให้เห็นแจ้ง แสดงดูหนห้องลองตรองดูแล้วปิ้นเบิ่ง เหิงหรือช้าคิดให้คล่องลองดูต้นแห่งที่มา ปัญหาอุกเมื่อยล้าย่อมมีเหตุแห่งหัวคิด วิปริตซอนไซยากหลายหัวใจข่อย คอยหาดูแนวค้นสนหัวใจใส่แนวเกิด อย่าเตลิดภาพล้มลมแล้งแห่งปัญหา ตั้งใจมั่นกลั่นเกิดกล้าหาป่องส่องตัวตอ ตัวเกิดงอแงแวแหว่ลงทางข้าง ทางวางเดินตรงเข้าเขาแวหนีอีหยังหน่อ ปัญหาเกิดได้พบพ้อทางแก้แหน่ตรง อย่าหลงวนปนป้อนภาพมาหลอนเฮ็ดให้เชื่อ เหลือหนทางเลือกไว้ปัญหานั้นสิชัดเจน เว้นไว้เด้อหม่องละเว้นปัญหาเกิดมีแนวยกอย่าให้ตกหัวใจใส่แนวหลอนซอนสร้าง ภาพทางหลังความไปหน้าพิจารณาให้เห็นเหตุ เกิดเภทภัยได้ส่อยแก้แนแล้วจั่งค่อยจา หาสาเหตุเกิดข้างหน้าหวนหลังเบิ่งแล้วดูดี ปัญหามีตัณหามาส่องเบิ่งตาเถิ่งถงบึ้ง ถึงหัวใจปัญหาแล้วสิเห็นแนวแก้ปลดปล่อย ถอยออกมาห่างต้นปัญหาซ่นอยู่ที่ใด๋ ขุดค้นก่นออกให้ได้ยากหือง่ายเวียนวน จนปัญญาหาแปวปล่องทางวางข้าง วางปัญหาลงพื้นพิศเห็นทางท่างแปวใหม่ปัญหาใหญ่แทรกเหตุน้อยหรือรอยเปื้อนบ่เปิดเผย อย่าละเลยหาเรื่องแนวเบี่ยงเบนประเด็นเก่า เรื่องสุมหัวข่อยอยากเว้าเฮาลองได้พินิจดู วิเคราะห์ซอดฮอดหม่องฮู้สิเห็นเหตุของปัญหาใช้ปัญญาเห็นจริงสอดใจลงแก้ แนดีดีแล้วลองเน้นเห็นเท็จจริงแก้ลองเบิ่งเทิงพิศดูถี่ถ้วนชวนกันเว้าผ่องวิจารณ์ วิเคราะห์ก่อนดูรอบด้านก่อนชี้เหตุปัญหาใจ เห็นแนวใดตรงประเด็นให้ค่อยเข็นเผยแพร่ แลดูทางวางกฎไว้ติดหม่องใด๋วางระเบียบ สร้างกฎมาส่อยกั้นกันไว้ก่อนสิเดิน เก็บสนเทศสิ่งสะเทิ้นแนวเกินก่อนจั่งจุดไฟ แก้ปัญหาลงหัวใจกั้นกลางทางเว้น ยามแลเห็นปัญหาแล้วจอดหัวใจไขป่องเบิ่ง สิบ่เหิงดอกเจ้า สิเห็นส้นบ่อนสิเดิน ดอกนา

 สนใจรายละเอียดที่เกี่ยวข้องเปิดดูที่อยู่ข้างล่างนี้ครับ

Interest in the others information click link below:

http://napinmodelseries10versions.blogspot.com/  napinmodelseries 10 versions#1

; http://putheartonpalm.blogspot.com/  เทใจใส่ฝ่ามือ #1; http://nstbstrategy.blogspot.com/2009/10/kradong-model-synthesized-procedure1.html